Модната револуција започна и сега е јасно дека храбрите труднички модни избори на Ријана имаат големо влијание врз модниот свет.
Манекенката Адријана Лима прошета по пистата на ревијата на Александер Ванг во Лос Анџелес во мини фустан кој го открива нејзиниот труднички стомак.
Ако нешто е доказ дека Ријана радикално го променила трудничкиот стил, тоа беше ова шоу. Бремената Адријана се појави во краток, црн фустан со длабоко деколте и огромен шлиц кој целосно ѝ го разоткри стомакот.
Јавните појавувања на Ријана за време на бременоста привлекуваат големо внимание.
„Уживам што не се грижам да го покривам стомакот. Ако се чувствувам малку полничка, не е важно. Тоа е бебе!“, објасни Ријана во интервју за магазинот People.
Таа додаде дека модата ѝ дала голема самодоверба додека се подготвува да стане мајка за првпат.
