Ајфеловата кула од денеска е повторно отворена за посетители откако неколку месеци беше затворена поради епидемиолошките ограничувања.
Влезниците се распродадени на интернет. Ајфеловата кула беше затворена кон крајот на минатата година поради пандемијата со COVID-19.
Атракцијата во Париз беше затворена за посетителите кога вирусот почна да се шири во Европа во 2020 година. Посетителите на Ајфеловата кула мора да носат маски и да одржуваат социјална дистанца.
Од 21 јули стапуваат на сила нови ограничувачки мерки, така што посетителите ќе треба да покажат негативен тест, доказ за вакцинација или прележан COVID-19.Ова правило во моментов не важи за малолетници.
Ајфеловата кула секоја година ја посетуваа околу 7 милиони луѓе. Минатата година беше забележан голем пад на бројот посетители поради епидемиолошките ограничувања и помалиот број туристи.
