Со поместувањето на часовникот поради ускладување на летното сметање на времето, нашето тело се адаптира на поинаков дневен ритам. Во целиот тој процес е важно сè што правите во текот на денот, а не само тоа што е директно поврзано со сонот.
Најдобра храна пред спиење обично се сложените јаглехидрати, протеини, овошје и зеленчук, а не се препорачува јадење слатка храна и пиење газирани пијалаци со додаден шеќер, нагласуваат експертите.
Прва намирница на листата е овесот, кој содржи мелатонин и аминокиселина триптофан која помага во создавањето мелатонин, кој пак директно на нашиот мозок му испраќа порака дека е време за спиење.
Причината зошто триптофанот е толку важен е што исто така помага на телото во создавање сератонин, кој ни помага да се опуштиме. Многу проблеми со спиењето ги влошуваат чувството на нервоза и претераната грижа, затоа треба да му помогнеме на телото да создава што повеќе серотонин.
Овошје кое се препорачува за консумација пред спиење е киви, а добар избор се и црешите. Од месо, се препорачува мисиркино.
Следни на листата се млечните производи, а експертите исто така предлагаат: производи од соја, масна риба, бадеми, ореви, чај од камилица, зелена салата, пченка, грозје, јагоди, домати, пиперки, печурки и ориз.
