Масимилијано Алегри откри дека одбил само една понуда, онаа на Реал Мадрид пред три години.
Алегри го напушти Јувентус пред две години откако освои пет титули во италијанската лига за пет години и по две финалиња во Лигата на шампионите.
Честопати се шпекулираше дека италијанскиот стручњак по напуштањето на Јувентус одбил низа еропски великани, но сега тој негираше сето тоа.
„Кога Реал ми се јави пред три години, му ветив на Јувентус дека ќе останам. Тоа е единствената понуда што ја одбив“, изјави Алегри за Sky Sport.
Италијански новинар го праша дали ќе се врати во Јувентус, каде состојбата само се влошува откако замина тој.
„Невозможно е да се одговори на тоа прашање. На крајот на краиштата, Андреа Пирло е тренер сега и мислам дека добро си ја работи работата. Тој е во финалето на Купот, го освои Суперкупот, тој е во шампионатот меѓу четири екипи... А за испаѓањето од Лигата на шампионите, сите знаат дека тоа е една голема лотарија“.