Еден од последните автомобили придвижуван од V12 мотор, од 0 до 100 км/ч стигнува за 3,5 секунди и развива 322 км/ч.
По неодамнешното претставување на моделот DBX 707 со кој Aston Martin се проби во првите редови на теренците со високи перформанси во британската автомобилска компанија, ја завршија работата и на нивниот најнов сериски модел, под чија долга предна хауба се крие V12 мотор.
Најмоќниот Vantage досега е придвижуван од 5,2-литарски V12 мотор кој развива 700 коњски сили при 6.500 вртежи во минута и 753 Nm максимален вртежен момент од 1.800 вртежи во минута со помош на два турбополначи, а за пренос на силата на задната оска е задолжен 8-брзински автоматски менувач ZF.
Тежината на еден од последните автомобили со V12 мотор е 1.795 килограми, а за „диетата“ помогна и обилната употреба на карбон, па односот на тежина и моќност на крајот е за повеќе од 20 проценти подобар од најмоќната верзија на погон со V8 мотор.
Поставен на лесни алуминиумски тркала од 21 инчи (зад кои се гледаат карбон-керамички сопирачки) на кои се гуми Michelin Pilot Sport 4S, Coupé достигнува 100 км/ч за 3,5 секунди и развива максимална брзина од 322 км/ч.
Aston Martin ќе го направи V12 Vantage во само 333 примероци. Сите се веќе распродадени, а првите испораки до купувачите се планирани за вториот квартал.