Шпанскиот напаѓач веднаш си заминува од Мадрид откако нековата желба за промена на средината наиде на одобрување од раководството на клубот.
Мадридски Атлетико потврди дека му дал одврзани раце на Диего Коста да си бара нов клуб. Деновиве фудбалерот сам побарал од клубот да му дозволи да си замине како слободен играч во јануарскиот преоден рок, а тоа денеска го потврди клубот.
„Постигнавме договор со Диего Коста околу раскинувањето на договорот. Му посакуваме многу среќа во неговата понатамошна професионална кариера“, објави клубот на Twitter.
Диего Коста најави дека неговото барање се должи на лични причини. Тој се мачеше со формата уште откако дојде во Атлетико од редовите на Челси пред две години. Постигна само 12 голови на 61 натпревар во Ла Лига, а само два му се оваа сезона.
