Австралиската боксерка Ебани Бриџис (35) ги прозва луѓето кои ја критикуваат и кои се сомневаа во нејзините боксерски способности поради вниманието што го привлекува со нејзиниот атрактивен изглед.
Боксерката со прекар „Русокоса Бомбардерка“ стана светска шампионка на IBF во бантам категорија, победувајќи ја Марија Роман во Лидс минатиот месец.
Бриџис на Twitter објави клип од борбата со која доминираше против Роман, на што еден фан коментираше дека целосно погрешил во проценката за нејзините способности.
„Сигурно сте биле одвлечени од моите гради и не можевте да ги видите вештините. Не грижете се, не сте сами, многу хејтери не гледаат подалеку од моите гради... Мило ми е што гледате дека не сте во право“, напиша Ебани во одговорот на Twitter.
Бриџис е една од најпознатите боксерки, а поради нејзините лудории, како излегувањето на мерење и пресметката во долна облека, честопати се занемаруваат способностите на Австралијката.
Очигледно ѝ е доста од тоа да не ја сфаќаат сериозно бидејќи ги отфрли таквите сомнежи откако неодамна ја победи Роман, која ја имаше светската титула од 2017 година.