Фудбалерите на Црвена звезда синоќа прокоцкаа голема шанса да изборат пласман во групната фаза од Лигата на шампионите, а грешките на нејзините играчи скапо ги чинеа белграѓани.
По поразот во првиот натпревар од Макаби во Хаифа со 3:2, Звезда имаше се во свои раце. Во првото полувреме белграѓани имаа сигурни 2:0, но успеаја да им поклонат на Израелците пласман во групната фаза.
Голманот и капитен Милан Борјан ги врати гостите во игра во судиското надополнување на првото полувреме. Навистина, канадскиот репрезентативец во тој напад одбрани пенал, но потоа во продолжението од акцијата реагираше катастрофално и прими гол од околу 30 метри откако топката помина на средината на голот.
Бидејќи вкупниот резултат беше нерешен (4:4) Звезда имаше продолженија до 90-тата минута. И тогаш на „Маракана“ настана тишина. Милан Павков стана најголемата трагедија на белграѓани откако направи се сам за Израелците и си постигна автогол.
Иако зад него немаше ниту еден од ривалите, Павков делуваше наивно и ја заби топката во сопствената мрежа по едно нафрлување од слободен удар. Покрај неговата катастрофална реакција, се чини и дека топката отиде директно во рацете на Борјан, кој без проблем ќе ја фатеше.
Овој пораз скапо ја чини Звезда. Белграѓани на стартот ќе заработеа 18 милиони евра во случај да влезеа во групната фаза, а во Лига Европа ќе инкасираат „само“ нешто повеќе од 3 милиони евра. Исто така, секој гол и бод во Лигата на шампионите се наплаќа неспоредливо повеќе отколку во Лига Европа, па евидентно е дека Звезда остана без вистинско богатство.
