Американскиот државен секретар Ентони Блинкен разговараше со група воени експерти за ситуацијата во Украина, а за време на дискусијата тие конкретно се осврнаа на можниот обид на Украина да го врати Крим под своја контрола.
Како што магазинот Politico, Блинкен рече дека обидот на Украина да го врати Крим ќе претставува црвена линија за Владимир Путин.
„Рускиот претседател го гледа Крим како дел од Русија, а не Украина, и не би сакал да го види полуостровот откорнат од неговите канџи“, пишува Politico.
Според четворица луѓе информирани за говорот на Блинкен, тој ги информирал воените експерти дека Соединетите Држави активно не ја охрабруваат Украина да го поврати Крим, туку дека одлуката да го стори тоа е исклучиво на Киев.
„Таа проценка ги повторува коментарите на официјалните лица на Пентагон во последните недели, кои зборуваа за жестоките борби кои сè уште траат на истокот и југот на Украина, и кои ја доведуваат во прашање способноста на Украина да го заземе Крим во блиска иднина“, се вели во извештајот.
Блинкен, според луѓе запознаени со говорот, оставил впечаток дека Америка не го гледа обидот на Украина за повторно преземање на Крим како мудар потег.
„Генерално, пораката е дека има многу неизвесност за тоа како работите ќе се одвиваат со вистински прашања за капацитетот на која било страна да оствари големи придобивки“, се вели во извештајот.