Филмот „Black Widow“ заработи над 218 милиони долари за три дена и е најголемото филмско остварување во последните две години.
По неколку одложувања на датумот на премиера поради пандемијата, светот конечно може да го погледне долгоочеквуаниот филм. Покрај сите ограничувања поради коронавирусот, организаторите одлучија да преземат важен чекор, филмот да биде прикажан и во киносалите и на стриминг сервисот Disney+Premium.
Со поставување на онлајн платформа поттикнат е интересот не само кај љубителите на филмовите, туку и кај измамниците. „Black Widow“ е особено атрактивен за различни онлајн измами и хакерски напади како на интернет, така и преку мејл и пораки на мобилни телефони.
По анализа на Kaspersky, пронајдени се бројни фишинг веб-сајтови дизајнирани за кражба на кориснички податоци. Со надеж дека конечно ќе го гледаат филмот корисници посетиле сајт кој ги прикажува првите неколку минути од филмот пред да им биде побарано да се регистрираат за да продолжат да го гледаат филмот. Во текот а регистрацијата, за да го потврдат местото на живеење, жртвите биле замолени да внесат податоци за нивните банкарски сметки. По некое време парите биле земени од нивните сметки, но филмот не бил пуштен до крајот. Овој вид фишинг е широко распространет и се смета за еден од најпопуларните меѓу измамниците.
Затоа е најдобро филмот да се гледа исклучиво на официјални канали за дистрибуција на филмска содржина, предупредуваат експертите.
