Црвена звезда сака да ја доведе најголемата ѕвезда на Русија, Артјом Ѕјуба, објави претседателот на белградскиот клуб Звездан Терзиќ.
Терзиќ во интервју за руски Спорт-Экспресс изјави дека Ѕјуба е идеален играч кој би ѝ помогнал на Звезда да се пласира во Лигата на шампионите.
„Сакаме да го донесеме Ѕјуба во клубот. Со негова помош сакаме да обезбедиме пласман Лигата на шампионите“, изјави Терзиќ за Спорт-Экспресс.
33-годишниот Ѕјуба е најголемата руска ѕвезда и капитен на репрезентацијата, а договорот со руски Зенит му истекува на крајот на сезоната, па во Белград би допатувал без обештетување.
Ѕјуба досега сезонава има постигнато 13 голови со 10 асистенции на 36 натпревари за рускиот шампион.
За Русија има постигнато 30 голови на 55 натпревари и е најдобар стрелец на репрезентацијата во историјата.
Со оглед на тоа што руските клуибови наредната сезона нема да играат во натпреварувањата на УЕФА, многу веројатно е Ѕјуба навистина да си замине од руската лига.
