Поранешниот германски тенисер Борис Бекер (56) се сврши со неговата 23 години помлада девојка Лилиан де Карваљо Монтеиро.
Парот ја започна нивната љубовна врска во 2020 година. Откако Борис беше пуштен од затвор, се преселија во Милано. Бекер отслужи осум месеци од двегодишната затворска казна поради затајување имот вреден 2,5 милиони фунти, откако прогласи банкрот.
„Преживеав благодарение на нејзината љубов. Таа е најголемата љубов на мојот живот и се надевам дека засекогаш ќе бидам со неа”, изјави Бекер.
Лилиан, која по професија е политичка аналитичарка, беше присутна на судењето на Бекер и му праќаше бакнежи додека го спроведуваа во затвор. На 25 години станала магистер на Универзитетот во Лондон на отсекот за ориентални и афрички студии. Претходно, во Рим посетувала приватно училиште, а потоа студирала на Универзитетот Сапиенза.
Борис во 2018 година се разведе од Лили Бекер по девет години брак. Неговиот прв брак со Барбара Бекер траеше од 1993 до 2001 година, откако и признал дека ја изневерил додека била бремена.
