Ерлинг Браут Холанд синоќа со два гола ја среди Севиља и ја одведе Борусија во четвртфиналето од европската клупска елита.
Можеби тимот од Дортмунд се мачи во Бундеслигата, но во Лигата на шампионите си обезбеди европска пролет.
Вчера на „Зигнал Идуна Парк“ стадионот во Дортмунд неговиот тим го пречека актуелниот шампион во Лига Европа, шпанска Севиља. Првиот натпревар на гостински терен заврши со триумф на Германците од 3:2, а на реваншот тимот од Андалузија повторно немаше решение за чудесниот Норвежанец.
Холанд во 35-тата минута на одлична асистенција на Марко Ројс го отвори резултатот носејќи ѝ на Борусија два разлика во вкупниот резултат (4:2).
Само што почна вториот дел, Норвежанецот постигна втор гол, но со ВАР му беше поништен поради фаул. Сепак, ВАР продолжи да работи, па судиите најдоа дека на фаулот во напад му претходел фаул на Жил Кунде кој го сопна токму Холанд во казнениот простор, па домашните добија пенал.
Пеналот всушност му го одбрани мароканскиот голман Боно, но одбраната беше поништена бидејќи Мароканецот прерано ја напушти гол-линијата, а во вториот обид за малку повторно ќе одбранеше.
Холанд го реализираше ударот од белата точка и го дуплираше водството, ставајќи крај на шансите на Севиља.
Следуваше неспортска реакција на Холанд кој му се ситеше на Боно за голот од вториот обид, за што и пожолте.
Андалузијците се вратија во игра во 64. минута кога Емре Џан го бутна со раце Лук де Јонг во шестнаесетникот, а Јусеф Ен Несири погоди од пенал.
Истиот играч длабоко во судиското надополнување погоди со глава по нафрлувањето на Иван Ракитиќ за колку Севиља да замине дома непоразена, но елиминирана со вкупни 5:4 од кои дури 4 гола ѝ даде чудесниот Норвежанец.
