Македонската фудбалска репрезентација ги доби противниците за новата сезона од Лигата на нации на УЕФА.
Рацете на фудбалските легенди Роберт Пирес и Гаиска Мендиета ги одредија противниците на Македонија во Лигата Ц. Нашата репрезентација беше сместена во последната група 4 заедно Бугарија, Грузија и Гибралтар.
Со сите противници досега имаме играно, но со Бугарите само на пријателски натпревари. Со Грузија во иста група бевме во минатата сезона на Лигата на нации, а игравме и во финалниот бараж за пласман на ЕУРО 2020, додека со Гибралтар бевме во иста група во воведната сезона на ова натпреварување.
Натпреварите ќе се играат во јуни и септември нареднава година и тоа првите четири кола од 2 до 14 јуни и последните две кола од 22 до 27 септември. Распоредот ќе биде дополнително направен.
