Џастин Бибер и кантри дуото Dan + Shay се обвинети за неовластено користење на делови од песната „First Time Baby Was A Holiday“ во хитот „10,000 Hours“, пишува TMZ.
Палмер Рајкс и Френк Фјораванти ја напишаа песната „First Time Baby Was A Holiday“ во 1973 година, но таа беше објавена дури во 2014 година.
Од компанијата Melomega, која наводно ги поседува авторските права на песната, рекоа дека Џастин и Dan + Shay ги копирале рефренот и стихот. TMZ поседува копија од тужбата.
Тужителите бараат да им бидат исплатени пари, да бидат потпишани како автори и да се забрани продолжување на дистрибуцијата на „10,000 Hours“.
„Ова е дефинитивно пример за кражба. Песните се многу слични“, напиша Тре Ловел, адвокат на компанијата Melomega.
„10,000 Hours“ беше објавен во 2019 година и моментално има повеќе од 230 милиони прегледи на YouTube. Обвинетите сѐ уште не одговориле на обвинувањата.
