Дебар,15 јули 2020 (МИА) – Приведен е дебранец, кој откако гласал на избирачко место го фотографирал гласачкото ливче.
-Приведено е лицето А.Д.(30) од Дебар, врз основа на барањето за интервенција од страна на претседателот на избирачкиот одбор лоциран во деветолетката „Саит Нјадени“. Тој во 13:15 часот откако гласал, со својот мобилен телефон го фотографирал гласачкото ливче, потврди за МИА, Стефан Димоски портпарол на Секторот за внатрешн работи – Охрид.
Против дебранецот ќе бидат преземени соодветни законски мерки.
Изборнот ден во Дебар и во Општина Центар Жупа минува без проблеми, со постојан раст на одѕивот на гласачи.
