Познатата американска актерка Џенифер Анистон, најпозната по улогата на Рејчел Грин во популарната американска комедија „Friends“, ги воодушеви своите долгогодишни пријатели и колеги со веста дека ќе стане мајка.
Оваа вест е една од ударните вести во светските медиуми. Бројни светски медиуми изјавија дека 52-годишната Анистон по два развода решила да посвои девојче што го запознала во сиропиталиште во Мексико, а самиот процес на посвојување трае веќе една година.
Анистон, инаку, го финансира ова сиропиталиште веќе една година. Финализирањето на посвојувањето се очекува во јуни годинава.
„Судот знае дека актерката не сака да го направи ова голем настан во медиумите и сака ова да биде нејзина лична и интимна одлука, но таа ја сподели добрата вест со своите колеги и пријатели“, вели извор пренесен од сите светски медиуми.
Анистон им ја соопшти веста на колегите и пријатели од серијата „Friends“ на снимањето на специјалната епизода на оваа популарна серија што започна овој месец.
Извор на списанието Closer вели дека Анистон го избрала овој момент да им ја соопшти веста на Лиса Кудроу, Кортни Кокс, Дејвид Швимер, Мет Лебланк и Метју Пери бидејќи била една од ретките прилики да се видат сите заедно, поради пандемијата и работните обврски.
„Повеќе од една деценија тие поминаа голем дел од животот заедно, го знаат секој детаљ од нивните животи и си даваа поддршка едни на други во тешките времиња, како проблемите со зачнување на Кортни и разводот на Џен од Бред Пит“, вели изворот.
