Во реприза на минатогодишното финале, Денвер Нагетс на домашен терен го победи Мајами Хит со 103:97.
Никола Јокиќ запиша дабл-дабл со 18 поени и 11 скока, а додаде и 7 асистенции, со што ја прекина серијата од четири трипл-дабли. Најефикасен кај актуелните шампиони беше Мајкл Портер со 30 поени.
Бем Адебајо постигна 22, а Џими Батлер 21 поен за Мајами.
Во одличен натпревар, Лос Анџелес Лејкерс по продолжение го победи Вашингтон Визардс со 134:131, а блескаше дуото Ентони Дејвис и Леброн Џејмс.
Дејвис постигна 40, а Џејмс 31 поен и клучна тројка во продолжението за триумф на Лејкерс. Леброн сега е на само 9 поени да стане првиот играч во историјата на НБА кој постигнал 40.000 поени.
Џордан Пул постигна 34 поени, а Марвин Багли III додаде 23 за Визардс, кои го претрпеа 13-тиот последователен пораз.
Кошаркарите на Феникс Санс го совладаа Хјустон Рокитс со 110:105 благодарение на извонредната партија на Босанецот Јусуф Нуркиќ, кој оствари дабл-дабл учинок.
Популарниот Јука претходните денови имаше мали проблеми со скочниот зглоб, но го одигра еден од најдобрите натпревари сезонава со 16 поени и 13 скока, а имаше и две асистенции за 27 минути минати на паркетот.
Кевин Букер постигна 35 поени, Кевин Дурент додаде 24, а Санс ја забележаа деветтата победа по ред дома.
Џејлен Грин го предводеше Хјустон со 34 поени, а Фред ВанВлит додаде 21.
Резултати:
Шарлот Хорнетс - Милвоки Бакс 99:111
Орландо Меџик - Јута Џез 115:107
Бруклин Нетс - Атланта Хокс 124:97
Њујорк Никс - Голден Стејт Вориорс 99:110
Сан Антонио Спарс - Оклахома Сити Тандер 132:1
Феникс Санс - Хјустон Рокитс 110:105
Денвер Нагетс - Мајами Хит 103:97
Лос Анџелес Лејкерс - Вашингтон Визардс 134:131 (прод.)
Табела:
