Манчестер Јунајтед и Манчестер Сити ќе се сретнат во 18:30 часот во натпреварот од 12-тото коло во Премиер лигата.
Манчестер Јунајтед - Манчестер Сити (18:30 часот)
Стадион: Олд Трафорд
Судија: Крис Кавана
Ова ќе биде 183. дерби по ред во Манчестер. Првото се одигра во 1881 година.
Соседите оддалечени само 4,2 километри, на табелата се оддалечени само еден бод и моментално се наоѓаат на седмото, односно осмото место. Јунајтед има еден бод повеќе од својот градски ривал.
„Црвените ѓаволи“ се во серија од четири победи во Премиер лигата, додека „Граѓаните“ врзаа две.
Сепак, Манчестер Јунајтед влегува во овој натпревар по поразот од Лајпциг и испаѓањето од Лигата на шампиони, што не се очекуваше по победата над ПСЖ во Париз и уривањето на Лајпциг на домашен терен.
Јунајтед продолжува да се натпреварува во Лига Европа и тоа веќе е голем неуспех за славниот клуб од „Олд Трафорд“.
Сити рутински ја „преора“ својата група со Порто, Олимпијакос и Марсеј, бидејќи освои 16 од максималните 18 поени.
Оле Гунар Солскјер е под голем притисок и ова е неговиот голем натпревар со кој ќе се „спаси“.
Денес тој ќе биде без Единсон Кавани и Антони Марсијал, а на списокот повредени е и Фил Џонс, кој додуша не ни игра.
Пеп Гуардиола нема да може да смета на Ерик Гарсија и Илкај Гиндоан.
Последните две дербија во Премиер лигата му припаднаа на Јунајтед, кој славеше со 2:0 и 2:1 и на домашен терен и на гости.
Во меѓувреме, тие се сретнаа и во полуфиналето на Лига купот, кога Сити отиде понатаму по 3:1 и 0:1.
Последниот натпревар во Премиер лигата се одигра во март, а тогаш стрелци беа Марсијал и Мектоминеј.
Манчестер Сити денес е повторно фаворит и сигурно ќе нѐ очекува интересен натпревар.
