Лука Дончиќ постигна 42 поени, а Кајри Ирвинг додаде 40 за Далас Маверикс, кои во синоќа ги совладаа Филаделфија 76ерс со 133:126.
Дончиќ и Ирвинг испишаа историја за Мавс и целата НБА лига со своите учиноци. Тие станаа првите играчи на Далас кои постигнале 40 или повеќе поени на ист натпревар и само петтиот пар што го постигнал тоа во последните 30 години во натпреварите во НБА без продолженија.
Пред нив во тој период успеаја да го направат истото само:
Ентони Едвардс (42), Карл-Ентони Таунс (41), Минесота Тимбервулвс, 18 март 2021 година.
Пол Џорџ (46), Кави Леонард (42), ЛА Клиперс, 13 декември 2019 година.
Ендрју Вигинс (41), Карл-Ентони Таунс (40), Минесота Тимбервулвс, 9 април 2017 година.
Мајкл Џордан (44), Скоти Пипен (40), Чикаго Булс, 18 февруари 1996 година.
Понесена од одличната игра на Џоел Ембиид, Филаделфија од 89:110 на крајот на третата четвртина стигна до 106:110 на помалку од девет минути до крајот на натпреварот. Далас одговори со враќање на Дончиќ во игра, а откако тој и Ирвинг завршија неколку напади, водството се врати на +10 за Мавс. Натпреварот потоа беше доведен во помирна завршница.
Дончиќ покрај 42 коша (тројки 7/13, вкупни 13/22), имаше и 12 асистенции. Ирвинг имаше уште подобар шут. Погоди 6/8 за три поени, а вкупни 15/22. Најдобри играчи кај 76ерс беа Ембиид со 35 поени и осум скока, Џејмс Харден со 27 поени и 13 асистенции и Тајрис Макси со 29 поени.
Ова беше шести натпревар за Дончиќ сезонава во кој имаше 40 или повеќе поени и 10 или повеќе асистенции. Никола Јокиќ има три, Демијан Лилард има два, а по нив никој во НБА нема повеќе од една сезонава. Маверикс реализираа 25 тројки од 48 обиди. Со тоа го израмнија рекордот на франшизата по бројот на реализирани шутеви за три поени. Го поставија во 2021 година против Њу Орлеанс Пеликанс.
Вашингтон Визардс - Торонто Репторс 119:108
Далас Маверикс - Филаделфија 76ерс 133:126
Сан Антонио Спарс - Индијана Пејсерс 110:99
Голден Стејт Вориорс - ЛА Клиперс 115:91
