Актуелниот европски шампион во кошарка, Словенија, во септември ќе ја брани титулата освоена на претходниот ЕвроБаскет, а моментално се на подготовки каде, судејќи по видеата, владее одлична атмосфера.
Предводник на забавата е НБА ѕвездата Лука Дончиќ, кој ќе го води тимот заедно со Горан Драгиќ.
Словенечкиот кошаркарски сојуз денеска објави видео од кошаркарот на Далас Маверикс кој покрај спуштениот кош се обидува заедно со соиграчите со нозете и главата да ја протурка топката низ мрежата.
И како што се очекува од ваква ѕвезда, овој пат Дончиќ со глава ја упати топката во кошот.
Инаку, Словенија на крајот на август има два натпревара против Естонија и Германија во рамките на квалификациите за Светското првенство.
Потоа ќе патуваат на ЕвроБаскетот каде ќе играат против Литванија, Унгарија, Босна и Херцеговина, Германија и Франција. Нивната група се игра во Келн, Германија, Словенија отвора на 1 септември против Литванците.
