Филипинката Хајдилин Диас го освои златниот медал во кревање тегови во категоријата до 55 килограми на Игрите во Токио и со тоа на својата земја ѝ го донесе првото олимписко злато во историјата.
Филипинските спортисти до Олимпијадата во Токио имаа освоено вкупно 10 медали, но ниту еден златен.
Во својот четврти и најверојатно последен настап на Олимписките игри, во историјата се запиша 30-годишната Диас која крена вкупно 224 килограми и го освои златниот медал со нов олимписки рекорд.
Сребрениот медал го освои Лиао Квијун (223), додека бронзениот медал и припадна на Зулфија Чинсханло од Казахстан (213).
