Бела Хадид беше една од првите дами кои прошетаа на црвениот килим на Филмскиот фестивал во Кан, а нејзиниот моден избор за премиерата на филмот „Tre Piani“ со избор на накит во улога на градник предизвика огромно внимание кај медиумите.
Манекенката се најде во центарот на вниманието поради несекојдневниот моден избор, беше облечена во авангарден фустан од колекцијата Schiaparelli Haute Couture есен/зима 2021/22, дизајнирана од Даниел Росбери.
Долгиот црн фустан има длабок отвор кој не ги покрива градите, но тие беа прекриени со златен накит во облик на бронхии од бели дробови, а кој истовремено послужи како градник.
Целиот изглед е надополнет со крупни обетки, прстен и црно-сребрени сандали.
На официјалната Instagram страница на брендот се пофалија дека најплатената манекенка во светот одбра токму нивни дизајн, којшто на сите им го одзема здивот.
