Холандскиот играч за врска Френки де Јонг, кој минатиот викенд го повреди зглобот, нема да може да игра најмалку три недели, односно до следната репрезентативна пауза, изјави тренерот на Барселона, Чави.
Де Јонг ја одигра секоја минута од натпреварите на Барселона во Ла Лига досега оваа сезона, пред да биде заменет во првото полувреме против Селта Виго во сабота.
„Тоа ќе биде значително отсуство за нас. Френки е клучен за нашата игра, особено со оглед на одличната форма во која се наоѓа. Што се однесува до временската рамка на неговата повреда, тоа навистина ќе зависи од него, но ќе треба да процениме како се чувствува по следната репрезентативна пауза“, им рече Чави на новинарите.
Барселона патува за Мајорка во вторник, по што следи домашен натпревар против Севиља и натпревар од групната фаза од Лигата на шампионите на гостувањето кај Порто на 4 октомври.
Потоа следува уште едно гостување кај Гранада во шпанскиот шампионат на 8 октомври пред паузата.
Шпанските медиуми додаваат дека Де Јонг најверојатно ќе биде надвор од составот за претстојното Ел Класико против Реал Мадрид, кое е закажано за 28 октомври.
