Георгина Родригес на својот Instagram профил објави дека на Роналдо му подарила Rolls-Royce за Божиќ.
Фудбалерот секако бил воодушевен од подарокот. Во видеото се гледа и како изгледала нивната божиќна вечера и што им донел Дедо Мраз на најмалите.
„Ти благодарам љубов моја“, напиша Роналдо.
Фудбалерот наскоро би можело да потпише седумгодишен договор со Ал Наср. Првите две и пол години ќе биде играч, а остатокот од договорот ќе биде амбасадор на Саудиска Арабија во обид да ја добие организацијата на Светското првенство во 2030 година.
Според Marca, Роналдо за играчкиот дел од кариерата ќе добива по 200 милиони евра по сезона, додека за амбасадорската улога ќе добива повеќе пари.