На мечот од Аустралиан Опен против Роберто Карбалес Баена, Новак Ѓоковиќ влезе во расправија со судијката, а е бесен на ТВ куќата Еуроспорт поради начинот на кој известуваше за тој детал.
Коментаторите на Еуроспорт тогаш констатираа дека Ѓоковиќ и пркосел на судијката за време на користењето на пауза за тоалет. Како што истакна Ѓоковиќ, ова не е прв пат Еуроспорт од него да прави негативец.
„Втор пат во шест месеци имам проблем со Еуроспорт. Тие ангажираа нова компанија од Лондон која им ги работи дигиталните медиуми, видов дека е тоа некој нов, така и ми кажаа. Не се сеќавам точно што беше пред шест месеци, но тогаш им реков дека нема повеќе да давам интервјуа за Еуроспорт. Потоа ми се извинија и се беше океј, а еве сега после шест месеци, тие пак прават сензација од нешто што е извадено од контекст”, изјави Ѓоковиќ.
Ѓоковиќ вели дека вработените во Еуроспорт му се извиниле приватно, но дека тој бара јавно извинување во програма во живо.
„И дадов интревју на Барбара Шет, таа ми се извини. И Борис Бекер ми пиша, Матс Виландер, сите тие работат за Еуроспорт и јас немам ништо против нив. Го сакам Еуроспорт, го сакам спортот, гледам скијање цел живот на Еуроспорт… Некој во АТП мора да ги заштити тенисерите. Од мене е лесно да се направи негативец, така ме претставуваат, но нема да трпам неправда. Не заслужуваат ова да им помине туку така, ја преминува секоја граница”, истакна српскиот тенисер.
