По освојувањето на рекордниот 24-ти Грен слем во кариерата, односно уште еден УС Опен, Новак Ѓоковиќ одржа опширен говор во кој кажа сè што му лежеше на душа.
Српскиот тенисер ја начна вечната дискусија за тоа кој е најдобар тенисер на сите времиња, што повторно привлече големо внимание.
„Тоа оставам на вас и на сите други, без разлика дали сум или не, дали заслужувам да бидам дел од таа дискусија. Факт е дека да не бев од Србија, пред многу години ќе бев воздигнат до небо на спортски план, особено во западниот свет. Но, добро, тоа е дел од мојот животен пат, благодарен сум што доаѓам од Србија, ми дава верба и надеж. Затоа сè што постигнувам ми е уште послатко и дури ме исполнува повеќе, а вие пишувајте што мислите“, рече Ѓоковиќ.
Победникот на 24. Грен слем проговори и за она што многумина ги интересира, а тоа е до кога ќе се занимава со белиот спорт.
„Тенисот е сè уште во добри раце. Знаете, играчите доаѓаат и си одат. Ме чека истата судбина. Конечно, еден ден, ќе го напуштам тенисот за 23-24 години и ќе дојдат нови млади играчи ха-ха-ха. До тогаш , претпоставувам дека уште ќе ме гледате“, шеговито прокоментира Ѓоковиќ.
Да потсетиме, Новак славеше во синоќешното финале на УС Опен откако по нешто повеќе од три и пол часа го совлада Данил Медведев со максимални 3:0 (6:3, 7:6, 6:3).
