Поранешниот најдобар светски тенисер Новак Ѓоковиќ објави дека нема да може да отпатува во Њујорк за последниот грен слем турнир сезонава УС Опен, кој почнува идната недела.
„За жал, не можам да патувам во Њујорк на УС Опен“, напиша Ѓоковиќ на Twitter пред жрепката за грен-слем турнирот.
„Со среќа на другите тенисери. Ќе останам во добра форма и позитивен дух, и ќе чекам друга шанса да се натпреваруваме заедно“, порача српскиот тенисер.
Американскиот закон забранува влез во земјата за невакцинирани странци, меѓу кои е и Ѓоковиќ.
Тоа ќе биде втор грен-слем турнир сезонава кој Ѓоковиќ ќе го пропушти, откако австралиските власти го депортираа во Србија непосредно пред почетокот на Австралија Опен.
