Голманот на загрепски Динамо објави интересна фотка од него и колегите Ливаковиќ и Хоркаш како гледаат накај атрактивната Италијанка кога дошла на нивниот тренинг.
Динамо вечерва од 21 часот игра протоив Аталанта во рамките на 5-тото коло од Лигата на шампионите и тоа на „Џузепе Меаца“ во Милано.
„Модрите“ синоќа пристигнаа во Милано, а од 19 часот го одработија и последниот тренинг пред денешниот натпревар. Динамо е во игра за пласман во осминафиналето, додека со реми ќе осигура пласман во нокаут фазата од Лига Европа.
Голманот Данијел Загорац насмеа многумина со сторито кое го објави на својот Instagram профил. Тој објави слика на која е со своите колеги Доминик Ливаковиќ и Динко Хоркаш на „Меаца“ додавајќи интересен коментар: „Моментот кога Дилета Леота дојде на стадион“.
Дилета Леота е една од најпопуларните спорстки новинарки на светот. На Instagram ја следат повеќе од 5 милиони луѓе, а многумина ја сметаат за најубава новинарка во Италија. Има 27 години и работи за италијанската верзија на каналот DAZN.
Објавата на Загорац е сепак негова шала бидејќи Леота не се појави на тренингот на Динамо, па тројцвата голмани очигледно гледаат во нешто сосејма друго.
Инаку Загорац е резервниот голман, прв е Ливаковиќ, додека младиот Хоркаш е трет.