Во текот на горештините едвај чекаме да застанеме под млаз студена вода за да се разладиме, но тоа и не е баш добра идеја.
Иако ви се чини дека студената вода е најдобра за туширање во текот на летото, всушност таа може дополнително да го отежне поднесувањето на високите температури, а не да ве разлади и освежи.
Како што објаснуваат научниците, студената вода на неприроден начин ја намалува телесната температура, па телото нема доволно време природна да се спротивстави на надворешната температура.
Површинските рецептори на кожата помагаат да се чувствуваме пријатно и при температури од 35 степени. Тие рецептори, кои совршено ја мерат надворешната температура, автоматски испраќаат сигнали на организмот дали треба да го разладат или загреат.
Ако надвор е многу топло, организмот ќе го засили протокот на крв за што повеќе топлина излезе од телото па така засилено се потиме, а површинскиот слој на потење на кожата тогаш го почнува процесот на разладување.
Затоа, многу подобро е да се туширате со млака вода, за да не биде преголема разликата меѓу температурата на водата и на воздухот.
Ладните пијалаци го разладуваат само горниот дек на дигестивниот систем и брзо ја апсорбираат телесната температура поради што не ја намалуваат температурата на целиот организам.
Поради тоа се препорачува пиење вода и пијалаци на собна температура.