Лос Анџелес Лејкерс ноќеска ги победија Њу Орлеанс Пеликанс со 120:117 по продолженија и дојдоа до втората последователна победа откако на стартот од сезоната запишаа 5 порази.
Домаќините беа предводени од Лони Вокер со 27 кошеви, но главна приказна беше Мет Рајан кој ги спаси од пораз со тројка.
На 25-годишниот Рајан ова му беше петти настап за Лејкерс во првата НБА сезона. Во професионалната кошарка завршил случајно и тоа откако пред само една година навечер работел како доставувач, а преку ден како гробар во Њујорк, пишува Yahoo.
Во 2020 година се пријавил на драфтот за НБА, но ниту еден тим не бил заинтересиран да го ангажира.
Како солиден играч бил забележан од Бостон Селтикс за кои минатата сезона одиграл вкупно 5 минути, за оваа сезона пристигне во Лејкерс со отворени можности за поголем успех.
Со неверојатно тешка тројка Рајан со звукот на сирената успеа да израмни на 111:111 и да обезбеди продолженија, по што победи неговиот клуб.