Златан Ибрахимовиќ (41) и по завршувањето на кариерата не се откажува од напорните тренинзи и активно ја одржува физичката подготвеност, а за каков „ѕвер“ станува збор најдобро покажува видеото кое го објави на социјалните мрежи.
Ибра направи „стој на раце“, односно серија склекови на две раце, кои ја потврдија неговата неверојатна физичка сила и рамнотежа и покрај неговата возраст.
Ибрахимовиќ е голем вљубеник во боречките вештини, кои некогаш ги тренирал, па затоа неговата импресивна сила и флексибилност не треба да изненадуваат.
Уште пред 25 години стана сопственик на црн појас во теквондо, што, како што вели, многу му помогнало во постигнувањето на некои спектакуларни цели во неговата блескава кариера.
Да потсетиме, Ибрахимовиќ се прости од фудбалот по последниот натпревар од италијанската Серија А сезона помеѓу Милан и Верона.