Златан Ибрахимовиќ во октомври ќе наполни 40 години, а роденденот ќе го прослави со објавување на нова книга посветена на неговиот живот.
„Веќе ви имам кажано сѐ за моето минато, во оваа книга ќе ви раскажам за сѐ останато“, порача Ибра.
Швеѓанецот во јануари 2020 се врати во Италија и направи голем потрес во Милан, помагајќи им на „Росонерите“ да завршат втори минатава сезона.
La Gazzetta dello Sport открива дека Ибра ќе објави нова книга за неговиот живот, но тотално различна од претходната.
„Доколку ви се допадна Ибра од Санремо, ќе го пронајдете во новата книга. Постојат моменти од животот и спортот кои никогаш претходно не сум ги открил“, вели тој за најтиражниот италијански весник.
„На 40 години, сакам на светот да му го откријам најскриениот јас, вредностите и строгите правила на живот, моментите кои ме направија најдобриот играч на светот“.
„Но, исто така раскажувам неоткриени детали од мојата кариера. На пример, договорот со еден клуб кој го пропуштив на денот на потпишувањето. Да не пропаднеше, денес немаше да бидам во Милан“.
Претходно неделава Ибра го објави официјалниот трејлер за својот биографски филм „I Am Zlatan: The Movie“ кој ќе биде прикажам премиерно на 10 септември.