Едноставно решение за превкусен ручек кој ќе ги освои и најпребирливите.
Од разните зеленчуци може да се подготват некои од највкусните јадења, а токму таков е и овој рецепт. Потпечете разновиден зеленчук како што е карфиол, брокула, пеперка, домат..., па над сето тоа прелијте вкусен прелив и посипете со кашкавал. Ова јадење ќе ве освои уште на прв залак, а подготовката е никогаш полесна, па ќе им успее и на почетниците во кујната.
Потребни состојки:
- 1 брокула
- 400 гр карфиол
- 4 лажици млеко
- 1 кромид
- 1 морков
- 1 чешне лук
- 2 пиперки
- неколку чери домати
- 4 јајца
- 5 лажици масло
- 130 гр брашно
- 500 мл млеко
- магдонос
- копар
- 150 гр кашкавал
Подготовка:
Брокулите исечкајте ги на цветови, па ставете ги во тенџере и прелијте ги со вода. Посолете и ставете 2 лажици млеко. Гответе додека не проврие, па оставете уште 2 минути. Процедете и префрлете во огноотпорен сад. Истата постапка направете ја и со карфиолот. Во тава на малку масло пропржете ситно сечкан кромид кој кога ќе омекне додадете му морков. Половина минута пред зеленчукот да е готов додадете толчен лук. Измешајте и сипајте во огноотпорниот сад. Промешајте и додадете пиперка исечката на ленти. Додадете и чери домати исечкани на половинки. Јајцата изматете ги, посолете и побиберете ги. Додадете масло и брашно и убаво соединете, па сипајте млеко. Добро измешајте и додадете сечкан магдонос и копар. Прелијте над зеленчукот и посипете со рендан кашкавал. Печете во загреана рерна на 180°C околу 40 минути.