Прженото бело месо со компири спаѓа меѓу наједноставните јадења, но и највкусните. Навистина превкусен ручек за кој нема да потропите многу пари, а ниту пак време.
Бело месо со компири нема никој да одбие, особено поради тоа што лесно се подготвува. Овој рецепт не е нешто што никогаш не сте го пробале, но можеби не сте го подготвиле на ваков начин. Потребно ви е бело месо, компири, пиперка и зачини. Сето тоа ќе го испржите и ќе имате за сервирање одличен ручек за малку пари.
- 500 гр компири
- 300 гр бело месо
- 1 пиперка
- 20 гр путер
- 1 чешне лук
- власец
- 1 лажичка блага пипер
- сол
- бибер
- масло
Компирите пресечете ги на помали парчиња и кратко обарете ги во солена вода. Белото месо исечете го на коцки, посолете го, побиберете го и посипете го со блага пипер. Прелијте го со масло и добро промешајте. Испржете го месото па извадете го од тавата. Во истата тава ставете ги компирите кои сте ги процедиле, а кога малку ќе се испржат додадете сечкана пиперка и лук. Две-три минути пред крајот вратете го и месото, а на крајот посипете со власец.