Снимка од Бразил на која е прикажана плажа преполна со крокодили ги вознемири луѓето, а многумина се прашуваат што точно се случува.
Снимката на Twitter ја сподели познатиот радиоводител Кен Рутковски.
„Во Бразил има наезда на крокодили. Стотици, па и илјадници од нив преплавија една плажа, а локалните жители се во паника“, напиша тој.
Снимката на Twitter предизвика шок кај луѓето, а многумина се прашуваат што се случува.
Но, оние кои се упатени во однесувањето на крокодилите велат дека глетката е сосема нормална.
„Ова не е крајбрежна плажа туку плажа во мочуриште во Пантанал, област која е дом на 10 милиони кајмани“, објасни еден твитерџија и додаде дека крокодилите всушност се во нивното природно опкружување, а не на човечка територија.
„Ова не е инвазија, нема потреба за паника“, порача друг корисник на Twitter.
