Пејачката Грајмс во насловната приказна за Vanity Fair откри дека таа и Илон Мас тајно станале родители на девојче родено преку сурогат мајка.
Пејачката откри дека нивното семејство е побогато за уште еден член, признавајќи дека раѓањето на девојчето се држело во тајност.
„Навистина не знам што мислев“, изјави таа запрашана за нејзиниот обид да го сокрие бебето.
Грајмс откри дека девојчето се вика Exa Dark Sideræl, но ја викаат Y, што е соодветно со оглед на тоа дека нејзиниот постар брат се вика X.
Девојчето е родено во декември, 2021 преку сурогат мајка, неколку месеци откако пејачката и милијардерот ја раскинаа тригодишната врска. Сега, парот на еден начин е повторно заедно.
„Веројатно би рекла дека ми е дечко, но ние сме многу динамични. Живееме во одвоени куќи. Ние сме најдобри пријатели, постојано се гледаме. Едноставно, имаме нешто што не очекувам другите луѓе да го сфатат“, објасни Грајмс за Венти Фер.
Парот се надева дека ќе го прошири семејството со уште некој член.
