Основачот на руската паравоена формација Вагнер објави информација дека на повеќе од 5.000 затвореници кои биле членови на оваа организација им истекол договорот и дека веќе добиле помилување од државата.
Меѓу другото, Евгениј Пригожин рече дека регрутирањето затвореници од руските затвори во Вагнер го намалува криминалот за 10 до 20 пати.
„Во овој момент, договорот со Вагнер е истечен за повеќе од 5.000 затвореници и тие се помилувани. Процентот на луѓе кои ќе сторат второ кривично дело во рок од еден месец по завршувањето на нивната служба е 0,31 отсто. Со тоа, морам да кажам, го намаливме криминалот во Русија за десетпати. Затворениците ги облекувавме подобро отколку што ги облекоа пионите во советско време“, рече Пригожин.
Претходно Пригожин објасни дека договорот со затворениците бил склучен на шест месеци.
„Нема точни проценки за бројот на затвореници регрутирани од Вагнер. Сепак, од почетокот на 2022 година бројот на затвореници е намален за 32.000 луѓе. Во есента 2022 година беше забележан остар пад на бројот на затвореници. “, пишува Kommersant.
