Околу 12.400 Израелци излегле позитивни на тестирањата за коронавирусот откако ја примиле вакцината на Pfizer и BioNTech, а 69 од нив ја имале примено и втората доза.
Ова го објави Министерството за здравство на Израел кое во земјата спроведе тестирање на 189 илјади луѓе кои ја примиле вакцината. Позитивен резултат е добиен кај 6,6 проценти од тестираните. Мнозинството се претпоставува дека биле инфицирани кратко по примањето на првата од двете дози на вакцината, период во кој инокулацијата не се очекува да биде започната.
Но, 1.410 од тестирани излегле позитивни две недели по првата доза, период во кој парцијален имунитет би требало да биде развиен.
Згора на тоа, 69 пациенти се заразиле дури откако ја примиле и втората доза, објави министерството.
Израел почна со примена на втората доза од вакцинацијата пред две недели, а прв кој ја прими беше премиерот Бенјамин Нетанјаху.
Од Pfizer велат дека врвот на имунитетот настанува помеѓу 15 и 21 ден од примањето на првата доза, кога ефективноста на вакцината се покачува од 52 на 89%. Според претходни испитувања, заштитата која ја пружа оваа вакцина достигнува 95% недела дена по примањето на втората доза.
Мора да се има на ум дека кога станува збор за вакцини, резултатите од клиничките испитувања често знаат да бидат различни од начинот на кој имунизацијата делува на терен бидејќи тогаш се применува врз многу поголема маса на луѓе.
„Американската вакцина излезе помалку ефективна отколку што мислевме и со пониска ефективност од онаа која Pfizer ја објави“, вели Нахман Аш, главниот виролог во Израел.
Затоа, пак, Гили Регев-Јохаи, водечкиот епидемиолог во медицинскиот центар Шаба, каде Ненјаху ја прими вакцината, за израелските медиуми изјави дека „вакцината на Pfizer функционира одлично по примањето на втората доза“.
Израел води на светски рамки според темпото на вакцинација против COVID-19. Изминатиов период веќе 2,15 милиони луѓе ја примија вакцината на Pfizer и BioNTech од кои 300 илјади веќе и втората доза.
