Зад нас е многу возбудлива ноќ на НБА паркетите, а уште една одлична партија пружи Никола Јокиќ во победата на Денвер Нагетс со резултат 113:96 над Мајами Хит. Сепак, српскиот кошаркар го одбележа натпреварот со нападот на ривалот Маркиф Морис.
Јокиќ забележа трипл-дабл учинок од 25 поени, 15 скока и 10 асистенции и на тој начин го предводеше својот тим до втората победа во низа откако претходно го реши и натпреварот против Хјустон Рокитс.
Немаше толкава драма на денешниот дуел бидејќи Денвер прашањето за победникот го реши уште пред последната четвртина. Заедно со Јокиќ, Вил Бартон постигна 25 поени во победничкиот тим, додека кај Мајами, но и на целиот меч најефикасен беше Џими Батлер со 31 поен.
Натпреварот на крајот го одбележа една грда сцена. Испровоциран после еден прекршок, Јокиќ го нападна Маркиф Морис и заработи исклучување. Она што е најлошо за српскиот кошаркар е што може да се соочи со посериозна суспензија.
Лука Дончиќ повторно го предводеше Далас до триумф, овојпат против Њу Орлеанс со 108:92. Словенечкиот кошаркар постигна 25 поени и додаде по 5 скока и асистенции, а Далас дојде до релативно лесна победа.
Триумфи забележаа и Голден Стејт над Атланта, како и Чикаго над Бруклин Нетс.
Филаделфија 76ерс - Њујорк Никс 96:103
Чикаго Булс - Бруклин Нетс 118:95
Мемфис Гризлис - Минесота Вајлд 125:118 (прод.)
Далас Маверикс - Њу Орлеанс Пеликанс 108:92
Денвер Нагетс - Мајами Хит 113:96
Голден Стејт Вориорс - Атланта Хокс 127:113
Сакраменто Кингс - Феникс Санс 104:109
Лос Анџелес Лејкерс - Шарлот Хорнетс 126:123 (прод.)
