Првото дерби по рестартот на Премиер лигата заврши без победник откако Тотенхем и Манчестер Јунајтед одиграа 1:1.
Тимот на Жозе Мурињо во првиот натпревар по принудната пауза го пречека својот поранешен тим од кој доби отказ. Желбата за победа сепак не му беше остварена бидејќи гостите се изборија за бод.
Тотенхем поведе во 27. минута преку холандскиот интернационалец Стивен Бергвајн кој одлично ја надмудри гостинската одбрана по една украдена топ. Иако беше во подредена улога, сепак малку фалеше Тотенхем да ги освои трите бода.
„Црвените ѓаволи“ во 81. минута добија удар од белата точка откако Ерик Даер го избутка Пол Погба кој претходно го издрибла и се пробиваше кон голот. Сигурен реализатор беше Португалецот Бруну Фернандеш кој зимава го засили Манчестер од редовите на Спортинг.
Ремито не им одговара на двата тима. Манчестер сега има натпревар повеќе и два бода помалку од Чесли кој ја држа таа посакувата четврта позиција која води во Лигата на шампионите. Тотенхем со 42 бода има 6 помалку од „Сините“.