Американскиот боксер Џејк Пол го победи легендарниот ММА борач Нејт Диас во боксерски меч што се одржа во Далас.
По десет избоксирани рунди Пол (26) победи со едногласна одлука на судиите (77-72, 78-71, 78-71) и на тој начин ја забележа седмата победа во осмата професионална борба.
Од друга страна, ова беше деби на Диас (38) во професионалниот бокс и може да биде задоволен бидејќи успеа да ги издржи сите десет рунди во рингот. Ова беше негова прва борба по заминувањето од УФЦ.
Пол веднаш по крајот на мечот изрази почит кон противникот кој ја прифати борбата според боксерските правила и рече дека со задоволство би направил реванш на теренот на Диас, во кафез.
Пол изјави дека е подготвен да влезе во кафезот за 10 милиони долари, а рече дека сака да се бори во организацијата на ПФЛ.
Диас веднаш ја прифати борбата, па сега нѐ очекува нивниот дуел според ММА правилата.
