Уругваецот за кого нема повеќе место во Барса е сериозна опција за засилување на нападот на „Старата дама“.
Луис Суарес би можел нареднава сезона да ига во Серија и тоа во шампионот Јувентус под водство на Андреа Пирло.
Goal.com тврди дека Уругваецот му бил понуден на Јувентус, а од клубот од Торино биле сериозно заинтересирани за таква соработка особено што управата потврди дека ќе се раздели со Гонсало Игуаин.
Суарес има 33 години и никогаш не играл во Италија. Во Барселона дојде во 2014 од редовите на Ливерпул, а претходно играше за холандските Ајакс и Хронинхен, додека кариерата ја почна во Насионал од Монтевидео.
Откако каталонскиот клуб го назначи Роналд Куман за нов стратег, Холанѓанецот направи список на играчи кои не му се потребни, а на него се наоѓа и уругвајскиот репрезентативец.
Суарес со Барса има договор до јуни наредната година, а неговата моментална цена се проценува на 28 милиони евра.