Американските тенкови Abrams се детски колички на педали во споредба со модернизираниот советски борбен тенк Т-72, вели чеченскиот лидер Рамзан Кадиров.
„Ова е вистинска моќ! Надоградениот советски тенк Т-72. Усовршен и подобрен. Има дури и камера за возење рикверц, за да не случајно згмечите некого, или обратно, да згмечите ако има потреба. Ја надминува странската опрема по борбена моќ, контрола, заштита и лесно користење. Кај него секој напад е како риболов на јахта - задоволство“, напиша Кадиров на Telegram.
Тој додаде дека тенкот Т-72 е спектакуларен, препознатлив и има застрашувачки изглед.
Западните политичари постојано зборуваат за тоа како Украина мора да ја победи Русија на бојното поле и сѐ повеќе му доставуваат оружје на Киев. Кремљ пак, одговори дека „воената помош нема суштински да реши ништо, туку само ќе ги продолжи конфликтите и страдањата на украинскиот народ“.