Американскиот психолог и терапевт Џон Готман целата кариера ја посвети на истражување на брачните односи. Готман е повеќе од 30 години во брак со психологот Џули Шварц Готман со која основа институт за помош на парови.
Во интервју за Psychology Today Џон и Џули разговараа за тоа како паровите во долги врски може да го подобрат својот сексуален живот.
Во таа прилика Џон откри навики на паровите кои имаат одличен сексуален живот.
„Една работа ме импресионира во текот на анализата за тоа што е потребно за добар сексуален живот. Како романсата и страста се одржуваат во живот во долгите врски и како се негува сексуалната желба. Во книгата „The Normal Bar“ е претставено истражување спроведено на 70.000 парови од 24 земји во светот. Од неа успеав да издвојам навики на парови со добар сексуален живот и во прашање се многу едноставни работи“, вели тој.
Џон Готман наброја некои од навиките на среќните парови:
-секој ден си кажуваат дека се сакаат и навистина го мислат тоа
-се бакнуваат страсно еден со друг, без некаков повод
-меѓусебно си делат комплименти
-еден на друг си подготвуваат романтични изненадувања
-одат на состаноци
-изразуваат нежност во јавност
Ова не е научна фантастика, тајната на добрата сексуална врска е во тоа буквално да останете во физички контакт еден со друг.