Марио Манџукиќ брзо се навикна на Милан, иако не играше фудбал на врвно ниво повеќе од една година.
Славниот „Супер Марио“ веќе дебитираше за Милан, а според италијанските медиуми, наскоро би можел да го запише својот прв старт, на градското дерби против Интер.
La Gazzetta dello Sport пишува дека тренерот на Милан, Стефано Пиоли, е исклучително задоволен од дебито на Манџукиќ и наскоро ќе му даде шанса од првата минута. Италијанските медиуми шпекулираат дека ова може да биде веќе денеска, кога Милан ќе игра градско дерби против Интер во четвртфиналето од Копа Италија.
„Ибрахимовиќ вчера тренираше во теретана затоа што се опоравува од натпреварот. Очигледно е дека тој сè уште не е на вистинското ниво и можно е да не започне против Интер. Затоа е тука Манџукиќ кој повторно напорно тренираше на терен. Нема да треба многу време за да може тие двајца да ја најдат вистинската хемија, совршено ќе се разберат пред голот. Можно е да заиграат во пар – Ибрахимовиќ по средината, а Манџукиќ од страна“, пишува весникот.
Манџукиќ веќе играше дваесет минути во новиот клуб во поразот од Аталанта. Тој влезе во игра во 70-тата минута и можеше да постигне погодок десет секунди подоцна, но гостинскиот голман го одбрани неговиот удар. До крајот на мечот, Аталанта преку Сапата дојде до три гола предност. Анте Ребиќ, како и Манџукиќ, ги одигра последните 20 минути.
La Gazzetta dello Sport пишува дека е очигледно дека на Манџукиќ ќе му треба малку време да се навикне на новата средина, но дека несомнено ќе го гледаме играчот што го паметиме од Јувентус.
Милан и Интер денеска од 20:45 часот играат натпревар во Купот. Тоа ќе биде прва можност по нешто помалку од две години, Манџукиќ да игра против сонародниците Марцело Брозовиќ и Иван Перишиќ.
