Покрај драмата на Велодром во која Игор Тудор и Марсеј останаа без поминување на групната фаза од Лигата на шампионите, синоќа бевме сведоци на уште една драма во истата група.
Германски Ајнтрахт дојде од испаѓање од Европа до премин во осминафинале во Лигата на шампионите за 45 минути.
Спортинг поведе со голот на Артур Гомеш во 39. минута, а за пласман во осминафиналето доволно му беше и реми. Спортинг го задржа водството до полувремето, а во тој момент резултатот во Франција беше неповолен за германскиот тим бидејќи ситуацијата на табелата беше таква што Ајнтрахт беше последен со седум бода.
Целосен пресврт следеше во продолжението од мечот во Лисабон. Најпрво израмни Камада во 62. минута со удар од белата точка, додека Коло Муани погоди во 72. минута за пресврт на натпреварот. Со тоа Ајнтрахт заедно со Тотенхем од оваа група се пласираше во топ 16, а сето тоа благодарение на хаосот во двата натпревари во вториот дел од натпреварот.