Аерозагадувањето претставува концентрација на штетни материи над границата на толеранција и директно го оштетува и го влошува здравјето на луѓето. Загадувањето посебно е изразено во котлините.
Големо истражување спроведено во Велика Британија пронајде поврзаност меѓу високото загадување на воздухот и зголемениот број на сенилна макуларна дегенерација. Загадениот воздух влијае на сите органи на телото, но посебно на очите.
Научниците претходно открија поврзаност меѓу загадениот воздух и глаукомот, а во истите истражување се претпоставуваше дека загадениот воздух може да се поврзе и со катаракта. Предупредуваат дека поради големиот проток на крв очите се многу чувствителни на штетните честичк во воздухот што го дишеме. Потоа, истите тие циркулираат низ нашиот организам.
Ова е прво истражување кое пронајде врска меѓу загадениот воздух и сенилната макуларна дегенерација. Со истражувањето се докажа дека дури и слабото загадување на воздухот го зголемува ризикот од дегенерација за 8%, додека повисокото загадување за дури 12%.
Сенилната макуларна дегенерација е главна причина за влошување на видот кај луѓето постари од 50 години.
Светската здравствена организација претходно наведе дека 90% од светската популација живее во подрачја со загаден воздух. Едно светско истражување покажа дека загадениот воздух влијае на сите органи на телото.
Најновите истражувања покажаа дека загадениот воздух влијае на намалување на квалитетот на спермата. Тим истражувачи од Кинескиот универзитет во Хонгконг ја анализирале спермата на 6.475 мажи на возраст од 15 до 49 години и откриле дека мажите кои живееле во области со загаден воздух имаат помали и неправилно оформени сперматозоиди.