Младиот македонски тенисер со 2:0 по сетови го реши мексиканскиот противник и ја извојува втората победа на Островот.
Откако во 1. коло со 2:1 го елиминираше Лука Поу од Обединетото Кралство, надежниот македонски тенисер денеска го совлада и својот втор противник, Мексиканецот Родриго Пачеко Мендес, инаку 1635-ти на АТП ранг-листата, или 66 места пред нашиот Калин.
Ивановски двата сета ги доби убедливо, првиот со 6:1 за 24 минути игра, а вториот со 6:2 за 40 минути.
Веќе утре го чека осминафиналната пресметка со Литванецот Едас Бутвилас, кој е рангиран на 1672. место. Натпреварот е точно на пладне по македонско време.
