Голем број на познати личности од целиот свет се собраа на Париската модна недела оваа недела, а посебно внимание привлече раперот Канје Вест, кој на настанот се појави облечен во црно и со маска што целосно го покрива лицето.
Вест седна во првиот ред на ревијата на модниот бренд Balenciaga, облечен во црно крзнено палто и црни панталони за таа пригода. Посебното внимание на присутните го привлече неговата необична црна маска, поради што многумина не го препознаа на почетокот.
Познатиот рапер не сакаше да одговара на новинарски прашања во врска со изборот на оваа модна комбинација. Да потсетиме, ова не е прв пат Вест да се појави во јавноста со маска која целосно го покрива лицето.
Имено, раперот во март годинава на Instagram објави фотографија со идентична маска, а неколку пати беше виден како носи слични маски додека шеташе низ Лос Анџелес.
Вест веќе долго време редовно ги посетува модните ревии на брендот Balenciaga, со кој соработуваше на својата колекција Yeezy Season 1. Покрај него, на оваа недела на ревијата се појавија и Луис Хамилтон, Ана Винтур, Бела Хадид, Камала Харис и многу други.